1步簡單判斷膚質🔍即看你是油性肌/乾性肌/混合肌/敏感肌
知唔知點樣分自己係乾性定油性肌膚？
有啲人明明出油旺盛，但就猛保濕，以為多啲保濕就可以減少出油；有啲人明明係混合性皮膚，但就冇喺乾燥位置搽返足夠嘅保濕產品，令到皮膚粗糙仲出現脫屑問題。
想揀啱護膚品，首先要了解你嘅膚質同皮膚需要。✨
簡單判斷方法😎
朝早起身後以温和嘅潔臉產品潔淨肌膚，然後唔搽任何護膚產品。靜待1-2小時，觀察皮膚上有無任何變化或出油情況。
👩🏻⚕️4種常見膚質
油性肌 = T字位出油量多，臉頰、下巴、甚至成塊面都有油膩感
乾性肌 = 幾乎無出油，甚至感覺繃緊
中性肌 = 沒有出油也不感到乾燥，狀態像潔臉後柔嫩
混合肌 = T字位明顯出油或輕微泛油，但臉頰乾燥繃緊
唔同膚質有咩護膚重點？
🫠油性肌：要適當清潔同去角質嚟去除多餘油脂，唔好過度保濕，不斷保斷唔能夠幫助控油
🍂乾性：注意補水、儲水、鎖水嘅步驟，同埋使用溫和嘅潔面產品，日常保養除咗精華，仲需要用乳霜、乳液等鎖住水分
✨中性：，使用溫和潔面同保濕產品，適度護膚，做好基礎保養，唔好刺激肌膚，就可以維持皮膚穩定
🌤混合性：需要細心分區保養，可以根據面部唔同位置嘅出油狀況，調整護膚品嘅種類同用量，例如出油量高嘅T字位要留意控油，乾燥緊繃嘅臉頰同眼周要注意保濕鎖水
敏感肌與暗瘡肌又係啲咩🤔？
各種內在或外在因素，例如季節氣候轉變、荷爾蒙變化、日曬、飲食習慣、化妝等等，都會使膚質改變，及引致敏感肌同暗瘡肌😟。另外使用唔適合嘅產品、過度護膚、使用刺激性高嘅產品等等，都會影響角質層嘅健康，或令角質層受損，令皮膚更易出現敏感同暗瘡情況😶🌫️。
😳敏感肌症狀：皮膚變得比較薄，難以對抗刺激，容易產生泛紅、痕癢、灼熱問題，甚至脫屑
🥜暗瘡肌症狀：因為皮脂分泌旺盛，護膚不當、作息唔穩定、荷爾蒙變化、細菌感染等等引致不停生粒粒，唔同成因，會引起暗瘡、油脂粒、石頭瘡等等
我哋可以擁有乾燥肌嘅同時有敏感泛紅情況；或者我哋屬於混合性肌膚，但局部出油同生粒粒特別嚴重。唔同膚質、狀況混合嘅情況非常普遍🧐。
根據唔同情況評估膚質，從而精準及適度地護膚，同時配合良好嘅生活同飲食習慣，先可以正確地養護肌膚，令皮膚保持原生健康狀態🤓。
