香港故事:創科夢工場：一切從心開始

Hello 我哋係香港海洋科研護膚品牌Mer-Veille創辦人Arey同Lavinia👋🏻

非常感謝香港電台邀請我哋拍攝《香港故事：創科夢工場—一切從心開始》，以呢個難得嘅機會分享創業故事、護膚科研、品牌理念同初心，仲有正式推出Mer-Veille接近一年以嚟嘅好多點滴。

近年多咗人關注本地品牌，支持香港製造嘅產品。創業喎，生產喎，成本喎，人手喎，賺錢喎，Mer-Veille真係想Focus香港製造、本地Market？呢啲意見同問題我哋聽唔少，但始終想做好一個香港品牌。

我哋對「Made in Hong Kong」有種情意結，既然香港製造係有質素、令人有信心，自己又係土生土長，都鍾意支持香港品牌同小店 ，咁有咩理由唔做好一個香港護膚品牌？😤我哋真係好用心想做得好，甚至想做得比人哋更好，做人哋無嘅嘢。

其實以前我哋兩個都用錯護膚方法，以為對皮膚好嘅習慣，原來會傷害皮膚。Lavinia仲曾經係皮膚科同中醫嘅常客🥲。所以當推出自家護膚品嘅時候，我哋不停思考呢幾個問題：皮膚真正需要啲咩？我哋想幫大家解決咩問題？點樣做得好過同類產品？

喺仔細研究護膚科學嘅書籍同Research之後，再加上自己同身邊朋友嘅經驗，我哋知道好多皮膚問題 (好似十個有九個都話自己有嘅敏感肌) 源於過度護膚。所以我哋確信精簡護膚、適度護膚先係保持皮膚健康嘅不二法門🌟。

我哋決定專注做皮膚需要嘅功效同產品類型，而最重要係修復好識得防禦鎖水嘅角質層同埋抗氧化，呢個先係保濕、舒敏、抗老嘅基本。我哋好明白皮膚長期唔靚所帶嚟嘅疲累同焦慮😔，所以好希望幫到大家真正解決皮膚問題，仲要教識大家護膚嘅科學，揾到更好更適合自己嘅護膚方法，仲可以減少浪費。👏🏻

拍呢個節目係一個好難忘嘅經歷，而記者同拍攝團隊擺咗好多心機落去，大家快啲去Youtube睇吓啦～如果睇完有咩Feedback想畀我哋都可以㗎～或者㩒個Like畀啲支持我哋啦😉