![尋找Mer-Veille的故事|創辦人竟然爛面8年?有圖真心分享](http://merveillehk.com/cdn/shop/articles/MV_YouTube_Video_Thumbnail_20240704_{width}x.png?v=1720084089)
尋找Mer-Veille的故事|創辦人竟然爛面8年?有圖真心分享
如果見過我真人或者睇過我嘅Video,絕對諗唔到我曾經有8年係反覆爛面。片入面嗰兩張相,亦Show唔到我塊面最差嘅時候係點,講真吖,啲唔靚嘅相我點會想Keep?💁🏻♀️
我以前不停揾方法去搞掂啲瘡,而家諗返起一啲偏方都好笑,例如係用白果捽面,同埋敷豆腐面膜,係直接整爛街巿買到嘅一磚磚豆腐然後撻落塊面度囉,小癲😂
當然仲有睇網上嘅介紹啦,以前缺乏護膚知識,而且入世未深,無咁重「廣告」、「打手」嘅概念,就會買埋一堆又平又其實唔啱我用嘅護膚品。連最基本皮膚嘅功能同護膚嘅作用都唔知,就亂咁試唔同產品,咁梗係唔Work啦,仲令皮膚受損問題更嚴重。
每次暗瘡大爆發嘅時候,我都希望憑自己搞掂,但最後走投無路都係揾返專科醫生。前前後後睇咗3次西醫,最後嗰次搽外用A酸超過一年,副作用係乾、痕、甩皮。記得當時去天氣乾燥嘅國家,係每日都勁甩皮,根本上唔到妝!最後決心戒A酸,又因為戴口罩,皮膚狀態仍然反反覆覆,雖然無求醫之前咁嚴重,但都係Keep住生粒粒同埋成面暗瘡印🥲。
最後皮膚點樣好返?就係靠精簡護膚,用精準又簡單嘅護膚產品喇。日常除咗温和潔面同防曬,護膚步驟我都只係用Mer-Veille嘅海洋抗氧修復精華,再每星期敷一至兩次海參肽修復嫩膚面膜,唔止改善咗暗瘡問題,而且皮膚變返健康穩定,仲得到一個Bonus係皮膚緊緻度、彈性保持得好好。
唔知講到呢度大家會唔會覺得我好有自信?其實唔係㗎,我要大力深呼吸先可以將呢段過往拎出嚟拍片!😮💨 但今次鼓起勇氣開口講,係我覺得作為一個護膚品牌創辦人,好值得同你哋真心Share,畀大家知道皮膚唔好都唔使絕望,生暗瘡都唔係世界末日,我哋唔係追求完美零瑕疵嘅肌膚,係要學識護膚原理,保持皮膚健康➕心情愉快啊❤️
想了解更多精簡護膚同Lavinia嘅故事?立即去片!👇🏻